Коом

Кореянын колдоосу менен Бишкекте “Медициналык шаарча” куруу пландалууда

Айгерим Качкынбекова

16 мар. 2026 15:31

Бүгүн саламаттык сактоо министри Дамир Осмонов Корея Республикасынын Кыргызстандагы элчиси Ким Кванджэ менен жолугушту. Бул тууралуу министрликтин басма сөз кызматы билдирди.

Жолугушууда саламаттык сактоо тармагындагы эки тараптуу кызматташтыктын учурдагы абалы жана келечеги талкууланды. Тараптар 2026-жылы өткөрүлө турган “Борбор Азия — Корея Республикасы” саммитинедаярдык маселелерине да токтолушту. Аталган саммит стратегиялык диалогду чыңдоого жана практикалык кызматташууну кеңейтүүгө багытталган маанилүү аянтча катары каралууда.

Сүйлөшүүлөрдүн жүрүшүндө Economic Development Cooperation Fund уюмунун колдоосу менен ишке ашырылып жаткан саламаттык сактоо тармагындагы инфраструктуралык долбоорлорго өзгөчө көңүл бурулду. Анын ичинде Республикалык клиникалык жугуштуу оорулар ооруканасын куруу долбоору ишке ашырылып жатканы жана “Медициналык шаарча” демилгесинин алкагында Улуттук госпиталдын жаңы корпусун куруу жана модернизациялоо боюнча долбоор даярдалып жатканы айтылды.

Министр Дамир Осмонов медициналык кадрларды даярдоонун маанилүүлүгүн белгилеп, учурда кыргыз адистери Түштүк Кореядагы “Lee Jong-wook Fellowship Program” программасы аркылуу заманбап технологияларды жана медицинаны башкаруунун алдыңкы тажрыйбаларын үйрөнүп жатканын билдирди.

Жолугушуунун жыйынтыгында тараптар саламаттык сактоо тармагындагы кызматташууну мындан ары да кеңейтүү ниетин билдиришти.

Мындан тышкары окуңуз

Кыргызстанда өндүрүлгөн мунайзат 5 жыл бою көмүскө схема менен сатылып келгендиги ачыкталды

Мамлекеттик салык кызматына караштуу “Салык сервис” мамлекеттик мекемесинин өкүлдөрү “Кыргызнефтегаз” мамлекеттик компаниясы аркылуу акыркы 5 жыл ичинде мунайзат жең ичинен өндүрүлүп, мамлекеттик казынадан сырткары көмүскө жол менен сатылып келгендигин ачыктады. Билдирүүгө караганда, Кыргызстанда жыл сайын 180 миң мунай зат өндүрүлөт жана анын өндүрүшү менен “Кыргызнефтегаз” ААК алектенет. 2021-2025-жылга чейин 262

Бишкектин айрым аймактарында 19-мартта суу өчүрүлөт

19-март күнү саат 10:00дөн 18:00гө чейин Бишкек шаарынын айрым аймактарында ичүүчү суу берүү убактылуу токтотулат. Бул тууралуу “Бишкексууканал” муниципалдык ишканасы билдирди. Маалыматка ылайык, “Көк-Жар” суу топтомосунда оңдоо иштерин жүргүзүүгө байланыштуу турак жай имараттарына, мектептерге, мектепке чейинки билим берүү мекемелерине, саламаттыкты сактоо мекемелерине жана башка социалдык жана өнөр жай

Январь айында Кыргызстанда 1,8 млрд кВт/саат электр энергиясы өндүрүлдү

2026-жылдын январь айында Кыргызстанда электр энергиясын өндүрүү 1 млрд 880,4 млн кВт/саатты түзгөнүн Улуттук статистика комитетинин маалыматтарын талдоонун негизинде белгилүү болду. Салыштыруу үчүн, 2025-жылдын январь айында өлкөдө 2 млрд 9,4 млн кВт/саат электр энергиясы өндүрүлгөн. Демек, быйылкы көрсөткүч өткөн жылга салыштырмалуу 129 млн кВт/саатка же

Бишкекте 1,8 млн сом алдоого шектелген жаран кармалды

Бишкек шаарынын тургунунан 1,8 млн сом алдоо жолу менен алынган деп шектелген адам кармалганын 16-мартта Ленин райондук ички иштер башкармалыгынын басма сөз кызматы билдирди. Милицияга борбор калаанын тургуну кайрылган. Анын айтымында, 1-февралда өздөрүн укук коргоо органдарынын кызматкерлери катары тааныштырган адамдарга 1 млн 888 миң сом которуп берген. Алар анын