Кыргызстанда өндүрүлгөн мунайзат 5 жыл бою көмүскө схема менен сатылып келгендиги ачыкталды
Мамлекеттик салык кызматына караштуу “Салык сервис” мамлекеттик мекемесинин өкүлдөрү - “Кыргызнефтегаз” мамлекеттик компаниясы аркылуу акыркы 5 жыл ичинде мунайзат жең ичинен өндүрүлүп, мамлекеттик казынадан сырткары көмүскө жол менен сатылып келгендигин ачыктады.
Билдирүүгө караганда, Кыргызстанда жыл сайын 180 миң мунай зат өндүрүлөт жана анын өндүрүшү менен “Кыргызнефтегаз” ААК алектенет. 2021-2025-жылга чейин 262 миң тонна же 7 млрд 615млн сомго барабар чийки мунай зат мамлекеттик эмес, жеке ортомчу фирмалар аркылуу сатылып келген. Анын натыйжасында, чийки затты шектүү эсептен чыгаруу аракеттеринин айынан “Кыргызнефтегаз” 4 млрд сомдон ашык зыян тарткан.
Маалыматка ылайык, “2021–2025-жылдар аралыгындагы эсеп-фактураларды жана компаниянын маалыматтарын изилдеп, талдоонун жыйынтыгында мамлекеттик мунайдан түшкөн киреше жеке адамдардын колуна өтүп кеткен бир нече негизги схема аныкталды.
Салык кызматынын адистеринин видеоиликтөөсү “Айсалык” ютуб каналында кеңири чагылдырылган.
