Ысык-Көлгө 3 млн даана балыктын чабагы коё берилди
Балык өнөр жайы комплекси департаментинин Тоң районундагы Регионалдык аклиматташтыруу жана балык өндүрүү-өстүрүү бөлүмүнүн кызматкерлери тарабынан май-канат (сиг-лудога) балыгынын чабактары Ысык-Көлгө коё берилди.
Айыл чарбанын маалыматына ылайык, иш-чарага Туристтик-экологиялык милиция, Улуттук илимдер академиясынын Биология институтунун адистери, райондук ветеринардык кызмат жана жергиликтүү тургундар катышты.
Жалпысынан 3 миллион даана балык чабагы көлдү балыктандыруу максатында төмөнкү участокторго бөлүштүрүлдү:
18-участокко — 500 миң даана,
7-участокко — 500 миң даана,
13-участокко — 1 миллион даана,
40-участокко — 1 миллион даана.
Бул иш-чара Ысык-Көлдөгү балык ресурстарын көбөйтүүгө багытталган.
