Камбар-Ата-2 ГЭСинин экинчи агрегаты инженердик текшерүүдөн өткөрүлдү
Курулуш, архитектура жана турак жай-коммуналдык чарба министрлигине караштуу Жер титирөөгө туруктуу курулуш жана инженердик долбоорлоо мамлекеттик институту Камбар-Ата-2 ГЭСинин экинчи гидроагрегатынын участогунда инженердик-техникалык текшерүү жүргүздү. Бул тууралуу ведомстводон билдиришти.
Текшерүү иштери гидроагрегаттагы курулуш имараттарынын жер титирөөгө туруктуулугун баалоо, №2 суу өткөрүүчү туннелдин коопсуздугун камсыздоо жана компрессордук жабдууларды орнотуу иштеринин алкагында ишке ашырылды.
Адистер объекттин долбоордук жана техникалык документтерин изилдеп чыгып, керектүү үлгүлөрдү алышты жана тиешелүү чиймелерди түзүштү. Мындан тышкары, имараттардын конструкцияларына комплекстүү инженердик анализ жүргүзүлдү.
Жүргүзүлгөн иштердин жыйынтыгында курулуш конструкцияларынын техникалык абалы боюнча корутунду даярдалып, объектти мындан ары коопсуз пайдалануу боюнча сунуштар иштелип чыгары белгиленди.
