Күч түзүмдөрүнүн ардагерлеринин пенсиясын жогорулатуу демилгеленди
Парламентте күч түзүмдөрүнүн ардагерлеринин пенсиясын жогорулатуу маселеси кайрадан көтөрүлдү. Бул тууралуу депутат Сүйүнбек Өмүрзаков жыйында билдирди.
Анын айтымында, акыркы жылдары президенттин демилгеси менен пенсиялар көбөйүүдө.
"Бирок күч түзүмдөрүнүн ардагерлеринин пенсиясы көтөрүлгөн жок. Бул маселени парламентте бир нече жолу көтөрдүк, бирок майнап чыккан жок. Күч түзүмдөрүнүн ардагерлерин пенсия менен камсыз кылуу боюнча комиссия түзүлдү, бирок анын жыйынтыгын бизге айтышпай жатат. Ардагерлердин кызматын унутууга болбойт", - деди Сүйүнбек Өмүрзаков.
Ал ошондой эле пенсиядагы укук коргоо органдарынын кызматкерлери коомдук транспортто "Тулпар" системасына кире албай жатканын кошумчалады жана Министрлер Кабинетинен бул маселени да чечүүнү суранды.
