“Чыңгыз Ааламы” маданий-мемориалдык комплекси 150 млн сомго оңдолууда
Президент Садыр Жапаровдун тапшырмасы менен Курулуш министрлиги тарабынан Талас облусунун Айтматов районундагы Шекер айыл аймагында "Чыңгыз Ааламы" маданий-мемориалдык комплексинин реконструкция жана курулуш иштери уланууда. Бул тууралуу курулуш министрлигинен кабарлашты.
Маалыматка ылайык, объекттин курулушу республикалык бюджеттен каржыланып, сметалык наркы 150 миллион сомду түзөт. Учурда бетон куюу жумуштары жүргүзүлүүдө.
Башкы планга ылайык, жазуучу Чыңгыз Айтматовдун жаңы үй-музейи, заманбап кинотеатр, китепкана жана мейманкана куруу каралган.
Бул — тарыхый-маданий багыттагы ири долбоорлордун бири болуп эсептелип, өлкөнүн маданий туризмин өнүктүрүүгө багытталган.
Курулуш-монтаждоо иштеринин ар бир этабы текшерилип, "Кыргызкурулуш" мамлекеттик ишканасынын көзөмөлүндө аткарылууда.
