Өлүмгө чейин жеткирген "Алдамчылык" фактысы боюнча жаран кармалды
Жумгал районунда "Опузалап талап кылуу" жана "Алдамчылык" фактысы боюнча кылмыш иши козголуп, шектүү жаран колго түштү.
Нарын ОИИБдин Басма сөз кызматынан кабарлагандай, буга чейин Жумгал районунун Байзак айылынын тургуну, 1998-жылы туулган жаран өз үйүнүн короосундагы сарайда асынып каза болгон факты катталып, тергөөгө чейинки текшерүү иштери жүргүзүлгөн.
Билдирүүгө караганда, 13-апрелинде маркумдун жакындары арыз менен кайрылып, соттук-лингвистикалык экспертиза жүргүзүлүп, жыйынтыгында шектүүнүн аракеттеринде коркутуу жолу менен акча талап кылуу жана алдоо белгилери бар экендиги тастыкталган.
Чогултулган материалдардын негизинде 1985-жылы туулган Т. аттуу жаранга карата КРнын Кылмыш-жаза кодексинин 208-беренесинин 1-бөлүгү (опузалап талап кылуу) жана 209-беренесинин 2-бөлүгүнүн 1-пункту (алдамчылык) менен кылмыш иши козголуп, камакка адынды. Учурда тергөө амалдары улантылууда.
