Токтогул суу сактагычында мыйзасыз балык кармагандар аныкталды
18-апрелде Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын ыкчам тобу жана Жалал-Абад регионалдык башкармалыгынын инспекторлору Токтогул суу сактагычы аймагында күтүүсүз рейд жүргүзүштү. Бул тууралуу экологиялык жана техникалык көзөмөл кызматынан билдиришти.
Маалымтка ылайык, рейд учурунда айрым жарандар балык уулоочу торлорду сууга коюп жаткан учурда кармалды. Мыйзам бузуу фактылары жеринде катталып, тиешелүү чаралар көрүлдү. Жыйынтыгында 7 жаранга Укук бузуулар жөнүндө кодексинин 267-беренесинин негизинде ар бирине 5 500 сомдон, жалпысы 38 500 сом айып салынды.
Текшерүү маалында мыйзамсыз кармалган балыктар да аныкталды.
А.Э. аттуу жарандан 3 даана сиг-лудога жана 7 даана севан форели. К.У. аттуу жарандан 8 даана севан форели жана 4 даана карась балыгы табылды.
Өкмөттүн №224 токтомуна ылайык, жаратылышка келтирилген зыян үчүн 34 542 сом өлчөмүндө доо коюлду. Мындан тышкары, рейд учурунда сууга жайылган болжол менен 560 метрге жакын тор жыйналып алынып, кошумча 100 метрге жакын жаңы синтетикалык торлор табылып, тазаланды.
