Кыргызстанда 1-майдан 10-майга чейин дем алыш күндөрү
Кыргызстанда 1-майдан 10-майды кошо алганда 10 күн бою расмий түрдө жумушчу эмес, майрамдык күндөр болуп саналат. Бул мезгилде ишке тартылган кызматкерлерге мыйзамга ылайык эмгек акысы эки эселенген өлчөмдө төлөнүшү керек.
Социалдык жана эмгек мамилелерин изилдөө борборунун маалыматына караганда, бул талап нөөмөт менен же вахта ыкмасы менен иштеген кызматкерлерге да бирдей тиешелүү. Мындан сырткары, бул күндөрү эмгек өргүүсүнө чыккан жарандар үчүн 1-9-май күндөрү өргүүнүн эсебине киргизилбейт. Башкача айтканда, майрам күндөрү кызматкердин эмгек өргүүсүнө кошумча катары эсептелүүгө тийиш.
Эске салсак, 1-май - Эмгек майрамы; 5-май - КР Конституциясынын күнү; 9-май - Жеңиш күнү. Ал эми 2-3 жана 10 май дем алышка туура келсе, 4,6,7,8-май күндөрү майрамдык эс алуу (каникул) күндөрү болуп саналат.
