ЖАМКнын №16 мекемесинде ун чыгаруучу тегирмен ишке кирди
Министрлер Кабинетине караштуу Жазаларды аткаруу мамлекеттик кызматынын №16 мекемесинде жаңы өндүрүштүк ун чыгаруучу тегирмен расмий түрдө ишке киргизилди. Бул тууралуу ЖАМКнын басма сөз кызматы билдирди.
Маалыматка ылайык, ачылыш аземине ЖАМК төрагасынын орун басары Улан Жолдубаев, GCERF уюмунун өкүлү Ирина Ульмасова-Олив, «Эл аралык толеранттуулук үчүн» коомдук фондунун президенти Тажыкан Шабданова, Коопсуздук кеңешинин катчысынын орун басары Майрамбек Таалайбеков жана инспектору Белек Ахметов катышышты.
Жаңы өндүрүштүк участок соттолгондордун эмгек менен камсыз болуу мүмкүнчүлүктөрүн кеңейтүүгө багытталган. Бул жерде болжол менен 15 соттолгон жаран иш менен камсыз болот.
Долбоор ЖАМКнын “Эл аралык толеранттуулук үчүн” коомдук фондунун көмөгү менен ишке ашырылды. Мекемеге өндүрүш процессин уюштуруу үчүн заманбап жабдуулар берилди.
Бул демилге соттолгондорду коомго пайдалуу эмгекке тартуу аркылуу экстремизсмдин жана радикалдашуунун алдын алууга, мекемедеги тартипти бекемдөөгө өбөлгө түзөт.
