Жарманкеде 5 миңден ашык жумуш орун сунушталды
23-апрелде К.Карасаев атындагы Бишкек мамлекеттик университетинин имаратында Эмгек, социалдык камсыздоо жана миграция министрлиги жана Бишкек мамлекеттик университети менен биргеликте бош жумуш орундар жарманкеси, “Карьера күнү” жана ачык эшиктер күнү уюштурулду. Бул тууралуу аталган министрликтин басма сөз кызмат билдирди.
Маалыматка ылайык, жарманкеге мамлекеттик, муниципалдык жана жеке сектордон 100гө жакын уюм катышты. Анда өндүрүш, транспорт, тейлөө, каржы жана телекоммуникация тармактары боюнча 5 миңден ашык бош жумуш орун сунушталды.
Улуттук статистикалык комитеттин маалыматы боюнча, жумушсуздардын саны 104,7 миң адамды түзүп, жалпы жумушсуздуктун деңгээли 3,7%ды түзгөнү белгиленди.
Меморандум эмгек рыногу жана иш менен камсыз кылуу чөйрөсүндө узак мөөнөттүү, натыйжалуу жана өз ара пайдалуу өнөктөштүктү өнүктүрүүгө багытталган.
Иш-чаранын алкагында катышуучулар иш берүүчүлөр менен түз маектешип, бош жумуш орундар тууралуу кеңири маалымат алышты.
