“Баатыр энелердин” балдарына Жогорку окуу жайга 500 грант берүү сунушталды
Агартуу министрлиги көп балалуу энелердин балдары үчүн билим берүү жеңилдиктерин караган мыйзам долбоорун коомдук талкууга чыгарды.
Демилгеге ылайык, “Баатыр эне” ордени менен сыйланган энелердин балдары колледждерге жана жогорку окуу жайларга кабыл алууда өзүнчө квотага ээ болушу мүмкүн.
Ошондой эле мыйзам долбоорунда мындай үй-бүлөлөрдүн балдары үчүн Кыргызстандагы ЖОЖдордо жыл сайын кеминде 500 кошумча гранттык орун бөлүү сунушталган.
Министрлик бул өзгөртүү көп балалуу үй-бүлөлөрдү колдоого жана жаштардын жогорку билим алуусуна мүмкүнчүлүктү кеңейтүүгө багытталганын билдирди.
