Спрот мектебин реконструциялоодо 7 млн сомдон ашык зыян келтирилген
УКМК Манас шаарындагы Олимпиадалык резервдин аймактык спорт мектебин реконструкциялоо учурунда коррупциялык фактылар аныкталганын билдирди. Бул тууралуу УКМКнын басма сөз кызматы билдерди.
Маалыматка ылайык, оңдоо-курулуш иштеринде жана кошумча инфраструктураларды курууда мамлекетке 7 миллион 288 миң сомдон ашык зыян келтирилген.
Тергөөдө мектептин жооптуу кызматкерлери подряддык уюмдар менен сүйлөшүп алып, Президенттик фонддон бөлүнгөн каражаттын бир бөлүгүн өздөштүрүп алышканы аныкталганы айтылды.
Бул иш боюнча кылмыш иши козголуп, техникалык көзөмөл боюнча адис К.К.М. кармалып, УКМКнын убактылуу кармоочу жайына киргизилди.
Учурда окуяга тиешеси бар башка адамдарды аныктоо боюнча тергөө иштери уланууда.
