Ноокатта 83 млн сомго бала бакча курулууда
Ноокат районунун Додон айылында жаңы бала бакча курулууда. Бул тууралуу Курулуш мнистрлигинин басма сөз кызматы билдирди.
Маалыматка ылайык, объекттин курулушу 2025-жылы башталган. Долбоордун жалпы наркы 83 миллион сомду түзүп, каржылоо республикалык бюджеттен каралган.
Башкы планга ылайык имараттын жалпы аянты 625 чарчы метрди түзүп, эки кабаттан турат. Анда тарбиялык саат өтүүчү, уктоочу жана ойноочу бөлмөлөр каралган. Ошондой эле азык-түлүк сактоочу кампа жана ашкана болот. Мындан тышкары, бала бакчанын айланасына оюн аянтчасы жана эс алуу зонасы курулат.
Объекттеги курулуш-монтаждоо иштери графикке ылайык жүргүзүлүп, сапаты жана аткарылып жаткан иштердин ар бир этабы Курулуш министрлигинин алдындагы тиешелүү департаменттер тарабынан көзөмөлдөнүүдө.
