Өзгөндө селден жабыркаган үйлөр тазаланууда
Катуу жамгырдан улам Өзгөн районунун 6 айыл аймагында жана район борборунда жалпы 65 турак жайга сел суусу кирген. Бул тууралуу Президенттин Ош облусу боюнча өкүлүнүн басма сөз кызматынан билдирди.
Маалыматка ылайык, 37 үйдүн жер төлөсүнө суу кирген. Анын 19у толук тазаланган. 28 үйдү суу каптап, дээрлик көпчүлүгү сел калдыктарынан тазаланды.
Тазалоо иштерине ӨКМ кызматкерлери, жергиликтүү бийлик жана атайын техникалар тартылды.Азыркы тапта, Кароол, Кашка-Терек жана Жыланды айылдарында жумуштар улантылууда.
ӨКМДин маалыматына карганда, кырдаал көзөмөлдө, калган үйлөрдү тазалоо иштери жүрүп жатат.
