“Ак-Буура” чек ара тозотунун жаңы имараты ачылды
28-майда Кыргызстандын Мамлекеттик чек ара кызматынын кызматкерлеринин кесиптик күнүнө карата 2024 аскер бөлүгүнө караштуу “Ак-Буура” чек ара тозотунун жаңы имаратынын ачылыш аземи болуп өттү. Бул тууралуу президенттин Ош облусундагы өкүлчүлүгүнөн билдиришти.
Иш-чарага Президенттин Ош облусундагы ыйгарым укуктуу өкүлүнүн биринчи орун басары Мирлан Орозбаев, Мамлекеттик чек ара кызматынын төрагасы Абдикарим Алимбаев, күч түзүмдөрүн өкүлдөрү жана жергиликтүү бийлик өкүлдөрү катышты.
Мирлан Орозбаев чек ара кызматкерлерин кесиптик майрамы менен куттуктап, өлкөнүн коопсуздугун камсыздоодогу чек арачылардын кызматы өзгөчө мааниге ээ экендигин белгиледи. Ошондой эле мамлекет тарабынан чек ара инфраструктурасын жакшыртууга өзгөчө көңүл бурулуп жатканын айтты.
Жаңы имарат аскер кызматкерлеринин кызмат өтөөсүнө жана жашоо шарттарына ылайык заманбап талаптардын негизинде курулган. Иш-чаранын соңунда коноктор жаңы объект менен таанышышты.
