Чоң-Алайда 9000 баш ири мүйүздүү мал эмделди
Чоң-Алай районунун аймагында эпизоотиялык абалды туруктуу сактоо жана жугуштуу оорулардын алдын алуу максатында жазгы эмдөө иш-чаралары жүргүзүлдү. Бул тууралуу Суу ресурстары, айыл чарба министрлигинин маалымат кызматы билдирди.
Маалыматка караганда, эмдөө иштерин жүргүзүү үчүн районго жалпы 10 000 доза вакцина келип түшүп, тиешелүү айыл аймактарына бөлүштүрүлдү. Ветеринардык адистер тарабынан түшүндүрүү иштери жүргүзүлүп, мал ээлери менен биргеликте графиктин негизинде эмдөө иштери аткарылды.
Анын ичинен:
Чоң-Алай айыл аймагы боюнча – 3700 баш ири мүйүздүү мал эмделди;
Кашка-Суу айыл аймагы боюнча – 2800 баш ири мүйүздүү мал эмделди;
Жекенди айыл аймагы боюнча – 2500 баш ири мүйүздүү мал эмделди.
Жыйынтыгында район боюнча жалпысынан 9000 баш ири мүйүздүү мал эмдөөдөн өткөрүлдү. Калган вакциналар резерв катары сактоого алынып, кошумча эмдөө жана жаңы катталган малдарды камтуу үчүн пайдаланылат.
Учурда район аймагында эпизоотиялык абал туруктуу көзөмөлдө болуп, ветеринардык кызмат тарабынан жугуштуу оорулардын алдын алуу, мониторинг жүргүзүү жана түшүндүрүү иштери үзгүлтүксүз улантылууда.
