Жети-Өгүздө 87 млн сомго мектеп курулду
Жети-Өгүз районунун Ак-Кочкор айылында 150 орундуу заманбап мектеп курулду. Объекттин курулушу республикалык бюджеттен каржыланып, жалпы наркы 87 миллион сомду түздү. Бул тууралуу Курулуш министрлигинин басма сөз кызматы билдирди.
Долбоорго ылайык, жалпы аянты 1358 чарчы метрди түзгөн эки кабаттуу окуу корпусу жана спорт зал салынды. Мектепте заманбап окуу класстары, лаборатория, китепкана, ашкана, азык-түлүк сактоочу кампа жана жыйындар залы каралган.
Курулуш-монтаждоо иштери Турак жай-жарандык курулуш департаменти тарабынан көзөмөлдөндү.
Мектеп пайдаланууга берилгенден кийин эки нөөмөттө 300дөн ашык окуучу билим алат.
