Мектептерде 6 күндүк окууну кайра киргизүү сунушталды
Агартуу министрлиги мектептерде аптасына алты күндүк окууну кайра киргизүүнү сунуштады. Тиешелүү токтом долбоору коомдук талкууга коюлду. Бул тууралуу Агартуу министрлигинин басма сөз кызматы билдирди.
Министрлик билдиргендей, 12 жылдык билим берүү системасына өтүү 80% аткарылып, толук ишке ашыруу үчүн кошумча убакыт керек. Ошондой эле, май айындагы узак эс алуулар окуу процессине таасир этет.
Долбоордо окуу режими “беш же алты күндүк” деп өзгөртүү сунушталууда. Токтом расмий түрдө тактала элек. Маалыматта айына бир жолу алты күн окуу, калган учурда беш күндүк тартип сакталышы мүмкүн экенин билдиришкен.
Мындан тышкары, алдыдагы Шанхай кызматташтык уюму саммити жана Дүйнөлүк көчмөндөр оюндары сыяктуу ири иш-чаралар да окуу жылына таасир этери айтылган.
