Жайыт пайдалануу эрежелерин бузган 42 жаранга айып пул салынды
Суу ресурстары, айыл чарба жана кайра иштетүү өнөр жайы министрлигине караштуу Жерди жана сууну көзөмөлдөө боюнча кызматтын Нарын облусу боюнча аймактык башкармалыгы тарабынан мыйзамсыз ээлеп алуу фактыларын алдын алуу жана болтурбоо максатында мониторинг жүргүзүлдү.
Суу ресурстары, айыл чарба жана кайра иштетүү өнөр жайы министрлигинин маалыматына караганда, Нарын облусунун Ат-Башы районунда айрым жарандар тарабынан жайыт жер аянттары өзүм билемдик менен ээленип, турак жай жана короо-сарай курулганы аныкталды.
Аталган мыйзам бузуулар боюнча 4 жаранга мыйзамсыз курулуштарды буздуруу жана жер тилкелерин мурдагы абалына келтирүү тууралуу бир айлык мөөнөт менен жазма буйруктар берилди.
Мындан тышкары, жайыт пайдалануу эрежелерин бузгандыгы үчүн 42 жаранга карата административдик протоколдор түзүлүп, натыйжада жалпы суммасы 315 миң сом өлчөмүндө айып салынды.
