Баңгизат таркатуу менен алектенген чет өлкөлүктөр кармалды
ИИМдин кызматкерлери тарабынан жүргүзүлгөн атайын операциянын натыйжасында өзгөчө ири өлчөмдөгү бангизаттарды аткезчилик жолу менен Кыргызстандын аймагы аркылуу Казакстан Республикасына таркатуу менен алектенген эл аралык кылмыштуу топтун мүчөлөрү кармалды. Бул тууралуу ИИМдин басма сөз кызматы билдирди.
ИИМдин жана Казакстандын укук коргоо кызматкерлери менен биргеликте ыкчам-иликтөө иш-чараларынын жүрүшүндө, Шымкент шаарында 4кг 920гр түзгөн “апийим” бангизаттарды кыстармадан алып, бара жаткан чет элдик жарандар 38 жаштагы Ф.К. жана 50 жаштагы Т.А. кармалышкан.
Азыркы убакта жогоруда аталган кылмышка тиешеси бар башка жарандарды аныктоо боюнча кошумча ыкчам-тергөө иш-чаралары жүргүзүлүүдө.
