Кыргызстандан экспорттолгон өсүмдүктөрдүн көлөмү 18 882, тоннаны түздү
2026-жылдын январь-май айларында Кыргызстандан экспорттолгон карантиндик көзөмөлдөгү өсүмдүк продукцияларынын жалпы көлөмү 18 882,37 тоннаны түздү. Бул тууралуу Айыл чарба министрлигинин басма сөз кызматы билдирди.
Маалыматка ылайык, экспорттун негизги бөлүгүн мөмө-жемиштер түзүп, алардын көлөмү 12 700,39 тонна болду. Ошондой эле 5 358,02 тонна мөмө-жемиштер жана 823,96 тонна цитрус жана тропикалык жемиштер чет өлкөлөргө жөнөтүлгөн.
Экспорт боюнча негизги өнөктөш өлкө – Россия Федерациясы болуп саналат. Бул өлкөгө жалпысынан 10 712,78 тонна продукция экспорттолуп, жалпы экспорттун дээрлик 57 пайызын түздү.
Казакстан экинчи орунда болуп, бул өлкөгө 7 375,82 тонна продукция жөнөтүлгөн. Бул жалпы экспорттун болжол менен 39% туура келет.
Өзбекстанга экспорттолгон продукциянын көлөмү 1 790,90 тонна, ал эми Тажикстанга 34,8 тонна жана Катарга 0,2 тонна продукция чыгарылган.
Эң көп экспорттолгон продукция болуп алма эсептелет. Беш ай ичинде чет өлкөлөргө жалпысынан 8 331,88 тонна алма жөнөтүлгөн.
Андан кийинки орундарды төмөнкү продукциялар ээледи:
Кулпунай – 5 339,72 тонна
Алча – 2 493,96 тонна
Өрүк – 825,7 тонна
Мандарин – 647,1 тонна
Алмурут – 542,7 тонна
Жүзүм – 3 тонна
Россияга экспорттолгон продукциялардын арасында эң чоң көлөмү:
кулпунай – 3 075,52 тонна
алма – 2 862,5 тонна
алча — 2 270,66 тонна
өрүк — 733,7 тонна
Казакстанга жөнөтүлгөн продукциялардын басымдуу бөлүгү:
алма — 4 098,68 тонна
кулпунай — 2 264,2 тонна
алмурут — 532,7 тонна
алча — 223,3 тонна
