Бишкектин Дордой конушунда 570 орундуу мектеп курулууда
Садыр Жапаровдун тапшырмасына ылайык, Курулуш министрлиги Бишкек шаарындагы Дордой конушунда 570 орундууу мектеп куруп жатат. Бул тууралуу аталган министрликтин басма сөз кызматы кабарлады.
Маалыматка ылайык, объекттин курулушу 2026-жылдын февраль айында башталган. Бүгүнкү күндө имарттын экинчи кабатынын мамылары орнотулууда.
Мектептин жалпы аянты 1810 чарчы метрди түзөт. Анда окуучулардын сапаттуу билим алуусу үчүн бардык шарттар каралат.
Курулуштун жүрүшү Нурдан Орунтаев тарабынан жеке көзөмөлгө алынып, куруучулар эки нөөмөт менен иш алып барышууда.
Долбоор конуштагы мектеп тартыштыгын жоюуга жана социалдык инфратүзүмдү жакшыртууга багытталган.
