Оор кылмышка айыпталгандар Грузиядан Кыргызстанга алынып келинди

Башкы прокуратура Грузия жана Казакстандын компетенттүү органдары менен жүргүзгөн натыйжалуу кызматташуусунун негизинде оор кылмыштарды жасагандыгы үчүн эл аралык издөөгө жарыяланган эки жаран өлкө аймагына жеткирилди. Бул тууралуу башкы көзөмөл органынан билдиришти.

Маалыматка ылайык, кылмышка шектүүлөрдүн бири Т.Ж. – адам уурдоого айыпталууда. Тергөөнүн версиясы боюнча, ал жана анын шериктери жабырлануучуну шаардын четине алып чыгып, күч колдонуу менен коркутуп, ага таандык коммерциялык уюмду өздөрүнүн атына өткөрүп берүүгө мажбурлашкан.

Экинчи шектүү – Х.А. – өзгөчө ири өлчөмдөгү алдамчылыкка айыпталууда. Тергөөнүн маалыматы боюнча, ал ишенимге кирүү жолу менен жарандардын мүлкүн мыйзамсыз ээлеп алып, 90 миллион сомдон ашык өлчөмдө материалдык зыян келтирген.

Экстрадицияланган адамдар ИИМдин кызматкерлеринин коштоосунда Грузиядан Кыргызстанга жеткирилди.