Россиядан ташылып келе жаткан жыгачтар артка кайтарылды
Талас облусунун “Чоң-Капка” фитосанитардык текшерүү постунан 40 м3 жыгач артка кайтарылды. Бул тууралуу Айыл чарба министрлигинин басма сөз кызматы билдирди.
Маалыматка ылайык, Суу ресурстары, айыл чарба жана кайра иштетүү өнөр жайы министрлигине караштуу Өсүмдүктөрдү химиялаштыруу, коргоо жана карантин департаментинин Талас башкармалыгы тарабынан кыргыз-казак мамлекеттик чек арасында жайгашкан “Чоң-Капка” фитосанитардык текшерүү постунда 4-июнда Россия Федерациясынан ташылып келе жаткан 40 м3 пиломатериалдарын текшерүү учурунда фитосанитардык сертификатта көрсөтүлгөн маалыматтар транспорттук (товарды коштоочу) документтерде көрсөтүлгөн маалыматтарга дал келбегендиги аныкталган.
Евразия экономикалык биримдигинин бажы аймагындагы карантиндик фитосанитардык контролду (көзөмөлдү) жүргүзүү тартиби тууралуу Жобонун 3.7 пунктуна ылайык бул жүк кайра артка кайтарылган.
