Сотко пара берүүнү шылтоологон жактоочу 100 миң доллар менен кармалды
УКМК өзгөчө ири өлчөмдөгү алдамчылыкка шектелген эки адамды, анын ичинде жактоочуну кармаганын билдирди.
Маалыматка ылайык, 4-июнда жүргүзүлгөн ыкчам-иликтөө иштеринин жүрүшүндө К.Н. жана жактоочу К.Д. кармалган.
Алардан мыйзамсыз алынган акчанын бир бөлүгү катары 100 миң доллар табылып, алынган.
Тергөө органдарынын маалыматына караганда, жактоочу сот чечимине таасир этүү жана сотторго пара берүү маселесин чечип берем деген шылтоо менен акча алган деп шектелүүдө.
Бул факты боюнча Башкы прокуратура жактоочу К.Д. аттуу жаранга карата өзүнчө кылмыш ишин козгоду.
Учурда эки шектүү тең УКМКнын тергөө абагына киргизилип, тергөө иштери уланууда.
