8-июнда Бишкектин айрым жерлеринде суу өчүрүлөт
8-июнда саат 09:30дөн 18:00гө чейин турак жайларда, мектептерде, мектепке чейинки билим берүү мекемелеринде, саламаттыкты сактоо мекемелеринде жана башка социалдык жана өнөр жай объектилеринде ичүүчү суу берүү токтотулат. Бул тууралуу Бишкек шаардык мэриясынын басма сөз кызматы билдирди.
Өчүрүү аймагы: Байтик баатыр көчөсү - Иманалиев көчөсүнөн Лесхозная көчөсүнө чейинки тилкеде.
Суу берүүнү токтотуу МИКтин катлованынан суунун агып калууларын аныктоо авариялык-издөө иштерин жүргүзүү зарылдыгына байланыштуу.
"Бишкексууканал" МИси ыңгайсыздык жараткандыгы үчүн кечирим сурайт жана ишканаларды, шаар тургундарын ичүүчү сууну алдын ала камдап алууну суранат.
