Киров суу сактагычынан 500 метр мыйзамсыз тор чыгарылды
Экологиялык жана техникалык көзөмөл кызматынын кызматкерлери Киров суу сактагычында түнкү рейд жүргүзүштү. Иш-чаранын негизги максаты – суу биоресурстарын коргоо, браконьерликке каршы күрөштү күчөтүү жана мыйзамсыз балык уулоонун алдын алуу болду. Бул тууралуу аталган кызматтын басма сөз кызматы маалымдады.
Маалыматка ылайык, рейддин жүрүшүндө жүрүшүндө браконьерлер тарабынан мыйзамсыз коюлган болжол менен 500 метр синтетикалык жана жибек торлор аныкталып, суу сактагычтан чыгарылды. Мындай мыйзамсыз балык уулоо каражаттары балык корун азайтып гана тим болбостон, суу экосистемасына олуттуу зыян келтирип, биологиялык ар түрдүүлүккө коркунуч жаратат.
Экологиялык жана техникалык көзөмөл кызматы тарабынан жүргүзүлүп жаткан системалууиштердин натыйжасында 2026-жыл башынан бери Киров суу сактагычынан жалпысынан 2500 метр мыйзамсыз балык уулоочу тор алынган.
