Бишкектеги 25 кабаттуу үйдүн курулушунун сапаты текшерилди
Курулуш министрлигине караштуу Курулушта сертификаттоонун республикалык борборунун адистери Ч.Айтматов проспектисинде жайгашкан 20–25 кабаттуу турак үйдүн курулуш объектисинде лабораториялык сыноолорду жүргүздү. Бул тууралуу Курулуш министрлигинен билдиришти.
Маалыматка ылайык, текшерүүнүн жүрүшүндө адистер тарабынан бетондун бекемдигин аныктоо боюнча сыноолор өткөрүлүп, анын долбоордук документациянын талаптарына жана колдонуудагы курулуш ченемдерине шайкештиги бааланды.
Мындай сыноолор курулушту көзөмөлдөөнүн маанилүү баскычы болуп саналат. Ошондой эле ал курулуп жаткан объекттердин ишенимдүүлүгүн, коопсуздугун жана сапатын камсыздоого багытталган.
