Соң-Көлдөн 1200 метр мыйзамсыз торлор табылды
2-июндан 7-июнга чейин “Соң-Көл балык чарбасы” мамлекеттик ишканасынын кызматкерлери тарабынан Соң-Көл көлүндө экологиялык абалды жакшыртуу жана балык ресурстарын сактоо максатында рейддик иш-чара өткөрүлдү. Бул тууралуу Айыл чарба министрлигинен билдиришти.
Маалыматка ылайык, иш-чаранын алкагында көлдүн акваториясында мыйзамсызкоюлган синтетикалык балык уулоочу торлорду аныктоо жана тазалоо иштери жүргүзүлдү. Рейддин жүрүшүндө жалпысынан болжол менен 1200 метрди түзгөн мыйзамсыз торлор алынып, көлдөн тазаланды.
Аталган иш-чаралар Соң-Көлдүн экологиялык абалын жакшыртууга, биологиялык ресурстарын коргоого жана көлдүн мелиоративдик абалын калыбына келтирүүгө багытталган.
Учурда Соң-Көлдү мыйзамсыз балык уулоочу шаймандардан тазалоо жана анын мелиоративдик абалын жакшыртуу боюнча иштер улантылууда.
