Бишкек шаарындагы Кулмурзаев көчөсүндө капиталдык оңдоо иштери жүрүүдө
“Бишкекасфальтсервис” муниципалдык ишканасы Кулмурзаев көчөсүндө капиталдык оңдоо иштерин жүргүзүп жатат. Бул тууралуу Бишкек шаардык мэриясынын басма сөз кызматы билдирди.
Маалыматка ылайык, жолдорду калыбына келтирүү иштери 2026-жылдын титулдук тизмесине ылайык төмөнкү бөлүктөрдө жүргүзүлүүдө: Куйручук көчөсүнөн Кулмурзаев көчөсүнө чейин; Молдокулов көчөсүнөн Куйручук көчөсүнө чейин.
Долбоорго жолдун үстүнкү катмарын капиталдык оңдоо, тротуарларды орнотуу жана сугат тармагын куруу кирет.Учурда объектте жол жээгиндеги бордюрларды орнотуу, шагыл негизин төшөө жана жолдун бетин тегиздөө иштери жүрүп жатат. Оңдолуп жаткан тилкенин жалпы узундугу 1545 метрди түзөт.
Долбоор шаардык инфраструктуранын сапатын жакшыртууга, жол коопсуздугун жогорулатууга жана шаар тургундары үчүн ыңгайлуу шарттарды түзүүгө багытталган.
