Ноокендеги базарда текшерүү иш-чаралары жүргүзүлдү
Суу ресурстары, айыл чарба жана кайра иштетүү өнөр жайы министрлигинин протоколдук тапшырмасына ылайык, Ноокен райондук ветеринардык, фитосанитардык жана карантиндик көзөмөл кызматынын тескөөчүлөрү тарабынан Масы дыйкан базарындагы эт сатуучу жайларда текшерүү жүргүзүлдү. Бул тууралуу аталган министрликтин басма сөз кызматы билдирди.
Маалыматка ылайык, текшерүүнүн жыйынтыгында эт сатуу жана сактоо боюнча санитардык-гигиеналык талаптар негизинен сакталганы, эт азыктары тиешелүү ветеринардык коштоочу документтер менен камсыздалганы аныкталды. Айрым соода түйүндөрүнүн ээлерине тазалыкты жакшыртуу боюнча оозеки эскертүүлөр берилди.
Ошондой эле базарда сатылып жаткан мөмө-жемиштердин нитраттык көрсөткүчтөрү текшерилип, алардын баары белгиленген нормага жооп берери аныкталды
