Саламаттыкты сактоо кызматкерлерине унаалар тапшырылды
9-июнда Саламаттыкты сактоо министрлиги медициналык калдыктарды коопсуз ташуу үчүн баштапкы медициналык-санитардык жардам көрсөтүүчү уюмдарга 10 даана адистештирилген автотранспорт тапшырды. Бул тууралуу аталган министрликтин маалымат кызматы ырастады.
Маалыматка ылайык, унааларды тапшыруу аземи Бишкек шаарында өтүп, ага Саламаттыктысактоо министри Дамир Осмонов, Дүйнөлүк банктын өкүлдөрү жана өлкөнүн аймактарындагы саламаттык сактоо уюмдарынын өкүлдөрү катышты.
Бул адистештирилген техникалар Дүйнөлүк банктын “Баштапкы медициналык-санитардык жардамдын сапатын жогорулатуу долбоору - кошумча каржылоо” программасынын алкагында гранттык каражаттардын эсебинен сатылып алынган.
