Казакстандан ташылып келинген калемпир жана козу карындар артка кайтарылды
Кыргызстан менен Казакстандын чек арасынан 4000 килограмм калемпир жана 2736 кг козу карын артка кайтарылды. Бул тууралуу Айыл чарба министрлигинен кабарлашты.
Маалыматка ылайык, Өсүмдүктөрдү химиялаштыруу, коргоо жана карантин департаментинин Чүй-Бишкек башкармалыгы тарабынан кыргыз-казак мамлекеттик чек арасына жакын жайгашкан “Ак-Жол” фитосанитардык текшерүү постунда 9-июнда Казакстандан ташылып кирген 4000 килограмм калемпир жана 2736 кг козу карын карантиндик фитосанитардык текшерүү иш-чараларын жүргүзүүдө, фитосанитардык сертификатыны жараксыз болуп калган.
Сертификатта көрсөтүлгөн маалыматтар, транспорттук коштоочу документтерде көрсөтүлгөн маалыматтарга дал келбегендиги аныкталган.
Евразия экономикалык биримдигинин бажы аймагында карантиндик фитосанитардык көзөмөлдү жүргүзүү тартиби жөнүндө жобонун пунктуна ылайык, бул жүк кайра артка кайтарылды.
