Оштогу балдар ооруканасын жаңылоого 175 млн сомдон ашык каражат жумшалды
Ош, Жалал-Абад, Баткен аймактарындагы балдарга үчүнчү деңгээлдеги адистештирилген медициналык жардам көрсөткөн жалгыз медициналык уюм болгон Ош облустар аралык балдар клиникалык ооруканасында инфраструктураны жана материалдык-техникалык базаны жаңылоо боюнча масштабдуу иштер улантылууда.Бул ооруканага жалпысынан 175 миллион сомдон ашык каражат жумшалды.
Саламаттык сактоо министрлигинин маалыматына караганда, оорукананын администрациясы жүргүзүлүп жаткан оңдоо иштери жана кичинекей бейтаптарга медициналык жардам көрсөтүүнүн шарттарын жакшыртуу боюнча көрүлүп жаткан чаралар тууралуу маалымат берди.
2025-жылы оорукананын №1 хирургия бөлүмүндө, көз оорулары жана неврология бөлүмдөрүндө, ошондой эле травматологиялык пунктунда капиталдык оңдоо иштери жүргүзүлгөн. Мындан тышкары, имараттын фасады жаңыланып, лифт алмаштырылып, консультациялык-диагностикалык бөлүм оңдолгон. Бул иштерге жалпысынан 39 миллион сомдон ашык каражат жумшалган.
