Нарындын М.Сыдыков чөлкөмүндө сел алып өтүүчү канал курулду
Нарын шаарынын М.Сыдыков чөлкөмүндө жаандан кийинки сел агымдарын алып өтүүчү канал казылды.
Нарын шаардык мэриясынын маалыматына ылайык, Ак-Коргон чөлкөмүндөгү Чыргайлуу көчөсүнүн жээгине арыктын нугу салынып, сел агымын алып өтүүчү арык салынууда.
Бул аймактагы сел коркунучун жоюу максатында Б.Бейшеналиева көчөсүндөгү коктуга сел тосмо куруп баштоого даярдыктар жүрүүдө.
Бул жылы Нарын шаарынын туруктуулугун жогорулатуу программасынын каржылоосунда РТС чөлкөмүндөгү “Жетиген”, Ак Коргон чөлкөмүдөгү Чоң-Чыргайлуу, Атакан коктусуна жана Б.Бейшеналиева көчөсүндөгү “Суу сактагыч” коктусуна таш менен толтурулган тор тосмолор курулат.
