Балага кош фамилия ыйгаруу демилгеси коомдук талкууга чыкты
«Жарандык абалдын актылары жөнүндө» мыйзамга өзгөртүү киргизүү тууралуу мыйзам долбоору коомдук талкууга коюлду.Бул тууралуу парламенттин басма сөз кызматы билдирди.
Документке ылайык, ата-эненин өз ара макулдугу менен балага дефис аркылуу жазылган кош фамилия ыйгарууга уруксат берилет. Мында фамилия ата-энесинин каалоосуна жараша каалаган ырааттуулукта жазылышы мүмкүн.
Ошол эле учурда мыйзам долбоорунда балага үч бөлүктөн турган фамилия берүүгө тыюу салуу каралган.
Демилгечилердин айтымында, өзгөртүү жарандардын фамилия тандоодогу укугун кеңейтүүгө багытталган.
Мыйзам долбоору учурда коомдук талкууда, жарандар өз сунуш-пикирлерин билдире алышат.
