Бишкек ЖЭБинде күз-кыш мезгилине даярдык көрүлүүдө
Бишкек жылуулук электр борборунда алдыдагы күз-кыш мезгилине карата пландуу оңдоо иштери жүрүп жатат. Бул тууралуу муниципалитеттен билдиришти.
Маалыматка ылайык, иштердин негизги максаты — кыш мезгилинде калкты жылуулук жана электр энергиясы менен үзгүлтүксүз камсыз кылуу.
Учурда станциянын негизги жана көмөкчү жабдуулары, ошондой эле имараттары жана курулмалары жаңыланууда. Бекитилген иш тартибине ылайык, №12, №14, №23 жана №16 отканалар оңдоого алынган.
Ошондой эле турбиналык агрегаттар боюнча иштер жүрүп, №5, №8, №9, №10 жана №11 турбиналар оңдолуп жатат.
Маалыматка караганда, 2025-жылы башталган №7 турбиналык агрегатты капиталдык оңдоо иштери быйыл толугу менен аяктайт. Мындан тышкары №3 жана №4 энергетикалык блоктор да иретке келтирилет.
