“Эркечтам” жана “Торугарт” чек ара өткөрмө пункттары 2 күнгө жабылат
Кытайда белгиленүүчү майрамга карата Кыргызстан менен Кытайдын мамлекеттик чек ара тилкесиндеги айрым өткөрүү пункттары убактылуу жабылат. Бул тууралуу Мамлекеттик чек ара кызматы билдирди.
Маалыматка ылайык, “Эркечтам” өткөрүү пункту 18-июнда саат 22:00дөн тарта убактылуу жабылып, 20-июнда саат 08:00дө кайра ачылат. “Торугарт” өткөрүү пункту 19-июнда толугу менен жабылып, 20-июнда саат 08:00дөн тарта ишин жандантат.
Мамлекеттик чек ара кызматы жарандарды жана жүк ташуучуларды бул убактылуу чектөөлөрдү алдын ала эске алууга чакырды.
