ЮНЕСКО Кыргызстанга байыркы шаар калдыктарын изилдөөгө археологдорду жиберүүгө даяр
ЮНЕСКО Кыргызстанга байыркы шаар калдыктарын, анын ичинде жер жана суу астында жашырылган объекттерди изилдөө үчүн археолог жана окумуштууларды жиберүүгө даяр. Бул ЖКнын төрагасы Марлен Маматалиевдин Парижде ЮНЕСКОнун генералдык директору Халед Аль-Анани менен жолугушуусунда белгилүү болду.
Маалыматка ылайык, жолугушууга депутаттар Талант Мамытов жана Камила Талиева, Кыргызстандын Франциядагы элчиси жана өлкөнүн ЮНЕСКОндогу дайымкы өкүлү Садык Шер-Нияз да катышты.
Тараптар байыркы шаарларды изилдөө жана аларды тарыхый мурас катары сактоодо чогуу иш-чараларды жүргүзүү мүмкүндүктөрүн талкуулашты.
Халед Аль-Анани ЮНЕСКОнун Кыргызстанга андай объектерди изилдөөгө археологдорду жиберүүгө, мындан тышкары эмки жылы өтүүчү "Бишкек+25" атуу II глобалдуу тоо саммитин өткөрүүгө колдоо көрсөтүүгө даяр экендигин билдирди. Ошондой эле "Креативдүү шаар" долбоорун биргеликте ишке ашырууга кызыктар экенин да белгиледи.
Марлен Мамбеталиев Кыргызстан тарыхый, маданий жана жаратылыш мурастарын сактоо жаатында ЮНЕСКо менен иштешүүнү кеңейтүүгө кызыктар экенин, өлкөнүн туристтик потенциалын, тоо экосистемдерин сактоо, курчаган чөйрөнү сактоо жана климтаттык өзгөрүүлөрдүн терс жактарын азайтуу демилгелерин айтып өттү. Тараптар геопарктарды өркүндөтүү жана маданий, табигат мурастарды сактоо долбоорлору тууралуу кошумча талкуу жүргүзүштү.
