Ошто 8 курулуш долбоору боюнча талкуу өткөрүлдү
18-июнда, Шаар куруу жана архитектура департаментинин Ош регионалдык шаар куруу жана архитектура башкармалыгында кезектеги Архитектуралык шаар куруу кеңешинин жыйыны өткөрүлдү.
Курулуш министрлигинин маалыматына ылайык, жыйынга Ош шаарынын мэринин орун басары Ш. Пайзиев, Ош шаарынын башкы архитектору А. Каныбек уулу, Ош шаардык кеңешинин депутаты Ш. Бакир уулу жана тиешелүү мекеме-ишканалардын өкүлдөрү катышты.
Күн тартибине киргизилген 8 долбоор боюнча Шаар куруу жана архитектура департаментинин өкүлү кеңири маалымат берди. Талкуу учурунда кеңештин мүчөлөрү айрым долбоорлор боюнча өз сунуш-пикирлерин айтып, долбоорлоочу тарапка тиешелүү сунуштарды беришти.
Жыйындын жүрүшүндө күн тартибиндеги долбоорлор ар тараптуу талкууланып, алардын шаар куруу талаптарына жана архитектуралык ченемдерге шайкештиги каралды. Натыйжада, долбоорлор боюнча тиешелүү чечимдер кабыл алынды.
