Коом

Кыргызстан менен Түркия шаар куруу жаатында кызматташат

Сапар Акунбеков

20 июня 2026 11:21

18-июнда Анкара шаарында Курулуш, архитектура жана турак жай-коммуналдык чарба министри Нурдан Орунтаев менен Түркиянын айлана-чөйрө, шаар куруу жана климаттын өзгөрүшү министри Мурат Курумдун эки тараптуу жолугушуусу болуп өттү.

Курулуш минисрлигинин маалыматына ылайык, жолугушуунун негизги жыйынтыгы катары Кыргызстандын Министрлер Кабинети менен Түркия өкмөтүнүн ортосунда Шаар куруу жаатында кызматташуу жөнүндө макулдашууга кол коюлду. Кол коюу аземи “Түркиянын Курулуш саммити – 2026” иш-чарасынын алкагында өттү.

Белгилей кетсек, макулдашуу 2024-жылдын ноябрь айындагы Түркиянын президенти Режеп Тайип Эрдогандын Кыргызстанга мамлекеттик сапарынын жүрүшүндө жетишилген жогорку деңгээлдеги макулдашуулардын логикалык уландысы жана практикалык жыйынтыгы, ошондой эле эки өлкөнүн тармактык министрликтеринин тыгыз кызматташуусунун натыйжасы болуп саналат.

Жолугушууда тараптар курулуш тармагындагы кыргыз-түрк кызматташтыгын өнүктүрүү, биргелешкен инфраструктуралык жана инвестициялык долбоорлорду ишке ашыруу, ошондой эле тиешелүү мамлекеттик органдардын өз ара аракеттенүүсүн кеңейтүү маселелерин талкуулашты.

Бул макулдашуу - шаар куруу, архитектура, аймактык пландаштыруу жана туруктуу өнүгүү багыттарында эки өлкөнүн кызматташтыгын чыңдап, тажрыйба алмашууга жана заманбап курулуш ыкмаларын жайылтууга өбөлгө түзөт.

Мындан тышкары окуңуз

Жолду оңдоо иштеринде курулуш нормаларын бузган ишканага айып пул салынды

Жалал-Абад облусундагы Үч-Терек – Жетиген жолунун оңдоо иштеринде курулуш нормаларынын бузулушу аныкталды. Бул тууралуу Курулуш министрлигинин маалымат кызматы билдирди. Маалыматка ылайык, Мамлекеттик архитектуралык-курулуш көзөмөл департаменти жолдун оңдоо иштерин текшерип, лабораториялык анализ үчүн үлгүлөрдү алган. Изилдөөнүн жыйынтыгында бир катар мыйзам бузуулар аныкталган. Тактап айтканда, айрым жерлерде асфальт бетон негизсиз

Мыйзамсыз курулуш жүргүзгөн ишканаларга 1 млн сомдон ашык айып пул салынды

Мамлекеттик архитектура-курулуш көзөмөлдөө департаментинин Ысык-Көл аймактык башкармалыгы тарабынан Чолпон-Ата шаарында жүргүзүлгөн көзөмөлдөө иш-чараларынын жүрүшүндө бир катар коомдук тамактануу объектилеринде, конок үйлөрдө жана май куюучу жайда мыйзам бузуулар аныкталды. Курулуш, архитектура жана турак жай-коммуналдык чарба министрлигинин маалыматына ылайык, объектилерде курулуш иштери уруксат берүүчү документтерсиз жүргүзүлүп, курулуш

ИИМ эмгек миграциясы боюнча чараларды күчөтүү демилгесин көтөрдү

Ички иштер министрлиги эмгек миграциясы чөйрөсүндөгү мыйзам бузууларга карата жоопкерчиликти күчөтүүгө багытталган мыйзам долбоорун коомдук талкууга чыгарды. Документте чет өлкөдө жарандарды мыйзамсыз жумушка орноштурган учурлар үчүн айып пулдарды көбөйтүү жана чет элдик эмгек күчүн мыйзамсыз тартууга карата жаза чараларын катаалдаштыруу каралган. Маалыматка ылайык, 2023-жылы чет элдик жумушчу күчүн мыйзамсыз

Ошто күз-кыш мезгилине даярдык боюнча жыйын өткөрүлдү

19-июнда Ош шаарынын мэринин орун басары Эрнис Толтоев 2026-2027-жылдардын күз-кыш мезгилине даярдык көрүү боюнча шаардык штабдын жыйынын өткөрдү. Ош шаардык мэриясынын маалыматына караганда, жыйында Э.Толтоев алдыдагы күз-кыш мезгилине даярдык көрүү боюнча жүргүзүлүп жаткан иштер тууралуу маалымат берип, бардык кызматтарга белгиленген иш-чаралар планын өз