Таласта курулуп жаткан объекттилер текшерилди
Президенттин Талас облусундагы ыйгарым укуктуу өкүлү Эрмат Жумаев Талас облусунда жүрүп жаткан курулуш иштерин текшерди. Эрмат Жумаев облус кире беришиндеги арканын оңдоп-түзөлүшү, респойнттун курулушу, ошондой эле жашылдандыруу жана көрктөндүрүү иштери менен таанышып, бир катар тапшырмаларды берди. Бул тууралуу облустук өкүлчүлүктөн билдиришти.
Маалыматка ылайык, облус башчысы Талас районунун Шумкар-Уя айыл аймагында жаңыдан курулуп жаткан муниципиалдык туристтик аймактын курулушу менен таанышты. Мындан тышкары, ал “Манас Ордо” улуттук комплексиндеги курулуш жана оңдоп-түзөө иштеринин сапатын текшерип, жеринде облустук мекемелердин жетекчилери менен биргеликте көйгөйлөрдү чечти.
Андан сырткары, “Манас Ордо” улуттук комплексинде курулуш иштерин жүргүзүп жаткан усталар менен жыйын өткөрүп, бардык курулуш иштерин сапаттуу жүргүзүүгө үндөдү.
