“Ала-Тоо Резорт” долбоорун ишке ашыруу боюнча кеңешме өткөрүлдү
Ак-Суу районундагы Жыргалаң айылындагы В1 жана В2 асма аркан жолдорунун техникалык ачылышынын алдында “Ала-Тоо Резорт” жыл бою иштей турган тоо-лыжа кластерин ишке ашыруу боюнча көчмө кеңешме өттү.
Маалыматка ылайык, кеңешме президенттик администрациясынын жетекчисинин орун басары Азамат Кадыралиевдин төрагалыгы алдында өттү.
Жыйынга долбоорду ишке ашырууга катышкан негизги министрликтердин жана мекемелердин жетекчилери катышты.
Көчмө кеңешменин жүрүшүндө катышуучулар курорт аймагындагы инженердик жана туристтик инфраструктуранын курулуш иштеринин жүрүшү менен таанышты.
Кеңешменин жыйынтыгында тиешелүү мамлекеттик органдарга долбоорду ишке ашыруу иштерин ыкчамдатуу, жаралган маселелерди өз убагында чечүү жана белгиленген мөөнөттөрдүн так сакталышын көзөмөлдөө боюнча конкреттүү тапшырмалар берилди.
