Садыр Жапаров Кочкордо курулуп жаткан ипотекалык үйлөрдү текшерди
Президент Садыр Жапаров 23-июнда, Нарын облусуна болгон иш сапарынын алкагында, Мамлекеттик ипотекалык компания тарабынан Кочкор айылында курулуп жаткан көп батирлүү турак үйлөрдүн курулушунун жүрүшү менен таанышты.
Президенттик админстрациянын малыматтык саясат бөлүмүнүн айтымында, Мамлекет башчысына аянты 2 гектар жер тилкесинде беш кабаттуу 8 блоктон турган турак жай комплексинин курулушу уланып жатканы тууралуу маалымдалды.
Президенттин Иш башкаруучусу Каныбек Туманбаев бүгүнкү күнгө карата курулуш иштери 80%га аяктаганын кошумчалады.
Объекттин курулушун көрүп чыккандан кийин, Президент Садыр Жапаров долбоорду ишке ашыруу мөөнөттөрүн сактоо жана жүргүзүлүп жаткан иштердин сапатын көзөмөлдөөнү күчөтүү тапшырмасын берди.
