DemirBank эл аралык каржылоону ишке ашырды: Өзбекстандагы бизнеске колдоо көрсөтүлдү

18-июнда DemirBank Европа реконструкциялоо жана Өнүктүрүү банкынын (ЕРӨБ) Тобокелдиктерди бөлүшүү программасынын (Risk Sharing Facility – RSF) алкагында Өзбекстандын “Ozone Fitness” ЖЧКсы менен кредиттик келишимге кол койду.

Тартылган каржылоо каражаттары Ташкент шаарындагы “Ozone Fitness” ЖЧК фитнес борборлор тармагынын жаңы объекттерин курууга жана иштеп жаткан борборлорун модернизациялоого багытталат. Компания Өзбекстандагы фитнес-индустриянын ири операторлорунун бири болуп саналат жана рыноктогу ишмердүүлүгүн активдүү кеңейтүүдө.

Бул долбоор RSF программасынын алкагында ишке ашырылган биринчи эл аралык каржылоо болду. Анын алкагында Кыргызстандын коммерциялык банкы Өзбекстандагы чакан жана орто бизнес субъектине каржылоо берүүдө. Бул Борбор Азия өлкөлөрүнүн ортосундагы регионалдык кызматташтыкты өнүктүрүүдө жана экономикалык байланыштарды чыңдоодо маанилүү кадам болуп саналат.

Жолугушуунун катышуучуларынын айтымында, долбоордун ишке ашырылышы аймактагы финансылык кызматташтыктын мүмкүнчүлүктөрүнүн өсүп жатканын көрсөтүп, улуттук чек аралардан тышкары бизнести колдоонун жаңы механизмдерин ачат.

Каржылоо Европа Реконструкциялоо жана Өнүктүрүү Банкынын Тобокелдиктерди бөлүшүү программасынын (Risk Sharing Facility) алкагында жүзөгө ашырылды. Аталган программа чакан жана орто бизнес ишканаларынын финансылык ресурстарга жеткиликтүүлүгүн кеңейтүүгө жана ЕРӨБ иш алып барган өлкөлөрдө экономикалык өнүгүүнү стимулдаштырууга багытталган.

Бул келишимдин ишке ашырылышы DemirBankтын инновациялык жана ишенимдүү финансылык институт катары макамын дагы бир жолу тастыктап, анын салттуу жергиликтүү чечимдердин чегинен чыгып, эл аралык каржылоодо жаңы багыттарды түзүүгө жана Борбор Азия боюнча келечектүү бизнести активдүү колдоого даяр экенин көрсөтөт.

Кол коюу аземи Ташкент эл аралык инвестициялык форумунун алкагында өттү. Ага төмөнкү жетекчилер катышты:

– Одиль Рено-Бассо – ЕРӨБдүн Президенти
– Хусейн Өзхан – ЕРӨБдүн Борбор Азия боюнча Башкаруучу директору
– Алмаз Тойгонбаев  – ЕРӨБдүн Өндүрүш жана кызмат көрсөтүүлөр сектору боюнча Регионалдык директору
– Шевки Л. Сарылар – DemirBankтын Башкы жетекчиси
– Садам Матчанов – “Ozone Fitness” ЖЧКсынын Башкы директору
– Акмалбек Икрамов – DemirBankтын Өзбекстандагы өкүлчүлүгүнүн башчысы.