Коом

Курулуш эрежелерин бузган компаниялардын иши токтотулду

Сапар Акунбеков

24 июня 2026 17:43

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Ысык-Көл региондук башкармалыгы тарабынан аймактагы курулуш объектилерине туруктуу негизде көзөмөл жүргүзүлүүдө.

Курулуш министрлигинин маалыматында, көзөмөлдөө иш-чараларынын жүрүшүндө Ысык-Көл районунун Бостери айылында жайгашкан “Даймонд Резорт” комплексинин коттедждери жана апарт-отелдери курулуп жаткан объектте бир катар мыйзам бузуу фактылары аныкталды.

Тактап айтканда, аталган объектте курулуш иштерин жүргүзүүдө курулуш ченемдеринин, техникалык регламенттердин жана колдонуудагы талаптардын сакталышы толук камсыздалган эмес. Бул курулуш чөйрөсүндөгү мыйзамдарынын талаптарын бузуу болуп саналат.

Жыйынтыгында курулуш иштерин жүргүзүп жаткан “Эмма Курулуш” ЖЧКсына аныкталган мыйзам бузууларды жоюу боюнча милдеттүү көрсөтмө берилди. Ошондой эле тиешелүү протокол түзүлүп, 200 000 сом өлчөмүндө айып пул салынды.

Аныкталган мыйзам бузуулар толук жоюлуп, объект мыйзамдардын талаптарына ылайык келтирилгенге чейин курулуш иштери убактылуу токтотулду.

Мамлекеттик архитектура-курулуш контролдоо департаменти бардык курулуш компанияларын курулуш иштерин жүргүзүүдө мыйзамдардын, курулуш ченемдеринин жана техникалык талаптардын сакталышын так камсыздоого чакырат.

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.