Бишкекте жана Чүйдө катуу шамал болушу мүмкүн
Синоптиктер Бишкек шаары жана Чүй облусунда катуу шамал болорун эскертишти.
Кыргызгидрометтин маалыматына ылайык, жакынкы бир саат ичинде борбор калаада жана Чүй өрөөнүндө күн күркүрөп, батыштан соккон шамалдын ылдамдыгы секундасына 15 – 20 метрге чейин жетиши мүмкүн.
Жарандарга коопсуздук чараларын сактоо сунушталат:
бак-дарактарга, жарнама такталарына жана электр берүү линияларына жакын барбоо, ошондой эле жол кыймылында этият болуу керек.
Айдоочуларга ылдамдыкты азайтып, аралыкты сактоо жана аба ырайынын начарлашын эске алуу менен сапарларын алдын ала пландоо сунушталат.
