Нарында 122 млн сомго мектеп, бала бакча оңдолууда
Нарын шаарындагы №7 М.Сыдыков атындагы орто мектеп 106 миллион сомго жана "Ынтымак" бала бакчасы 16 миллион сомго республикалык бюджеттин эсебинен капиталдык оңдоодон өтүп жатат. Бул тууралуу Нарын шаардык мэриясынан билдиришти.
Маалыматка ылайык, Нарын шаарынын мэринин орун басары Элмира Турганбаева аталган билим берүү мекемелерин оңдоо иштеринен кабар алып, жаңы окуу жылына карата ондоо иштерин бүткөрүү аракетин көрүү керектигин белгиледи.
Ал эми жаңы окуу жылына карата даярдык көрүү менен оңдоп-туздөө иштерин баштоо, бала бакчаларда тамак-аш тизмесин бирдей түзүп, сапаттуу азык-түлүктөрдү алуу жана тийиштүү нормада сактоо, анын сакталышын жакшыртуу менен бирдей типте иш алып барууну уюштуруу боюнча иш алып баруу тармак жетекчилерине тапшырылды.
