Жаратылышты коргоо мыйзамдарын бузгандарга айып пул салынды
22-июндан 26-июнга чейин Жаратылыш ресурстары министрлигине караштуу Экологиялык жана техникалык көзөмөл кызматынын тескөөчүлөрү тарабынан рейддик иш-чаралар жүргүзүлдү.
Экологиялык жана техникалык кызматтын маалыматына ылайык, рейддердин негизги максаты – жаратылышты коргоо мыйзамдарынын жана жаратылышты пайдалануу чөйрөсүндөгү мыйзамдардын талаптарынын сакталышын камсыз кылуу, мыйзам бузууларды аныктоо, алдын алуу жана аларга бөгөт коюу болду.
Текшерүүлөрдүн жүрүшүндө жаратылышты коргоо мыйзамдарын бузуу фактылары аныкталып, 23 административдик укук бузуу жөнүндө протокол түзүлдү. Жалпысынан 190 000 сом өлчөмүндө административдик айып пул салынды.
Экологиялык жана техникалык көзөмөл кызматы айлана-чөйрөнү коргоо, жаратылыш ресурстарын сарамжалдуу пайдалануу жана экологиялык укук бузуулардын алдын алуу боюнча иштерди туруктуу негизде улантууда.
